No ta mostra amor ora ku no apoia disiplina di Jeova

Disasosiason ta proteẑi kongregason, tambi i ta disiplina kin ku ka ripindi di si erus. (1 Kor 5:6, 11) Ora ku no apoia es disiplina di Jeova no ta mostra amor. Kuma ku es pudi sedu bardadi si disasosiason ta kausa dur emosional pa tudu, nkluindu se familias ku kilis di kumison judikativu?

Riba di tudu, no ta mostra no amor pa nomi di Jeova ku si normas puru. (1 Ped 1:14-16) No ta mostra tambi amor pa ki algin ku disasosiadu. Disiplina duru ta kausa dur, ma i pudi “da bon frutu di pas”. (Eb 12:5, 6, 11) No ta sta na tuji Jeova disiplina kin ku disasosiadu o ku disasosia si kabesa si no ta asosia ku el. Lembra kuma Jeova ta disiplina si povu “ku midida justu”. (Jer 30:11) Nkuantu no na apoia disiplina di Jeova i manti no rotina spiritual, no ta sta na manti no speransa di kuma ki algin na riba pa no Pape miserikordiosu. — Isa 1:16-18; 55:7.

JUBI VIDEO DRAMATIKU SEDU FIEL DI TUDU BU KORSON, I DIPUS RUSPUNDI ES PURGUNTAS:

• 

  Kal dur ku papes kristons ta sinti ora ku se fiju disa Jeova?

• 

  Kuma ku kongregason pudi apoia membrus di familia fiel?

• 

  Kal relatu di Biblia ku mostra kuma i importanti pa no fidelidadi pa Jeova sedu mas forti di ki no fidelidadi pa no familia?

• 

  Kuma ku no pudi pui no fidelidadi pa Jeova riba di no fidelidadi pa no familia?