Grasas a Deus ku Kristu no pudi tene libertason na futuru

Kal purblemas ku bu ta lida kel kada dia? Sera ku bu sedu un ŝef di familia ku na sforsa pa kuida di manga di responsabilidadi? Sera ku bu sedu pape o mame solteru ku na sforsa pa kumpri bu diver familiar? Sera ki abo i un joven ku sta na nfrenta gozu di kolegas di skola? Sera ki bu sta na lida ku saudi fraku o idadi avansadu? Kada un di nos sta na lida ku algun tipu di purblema. Manga di irmons sta na lida ku manga purblemas na mesmu tempu. Ma no sibi di kuma i ka na tarda no na bin libertadu di tudu es purblemas. — 2 Kor 4:16-18.

Te pa ki tempu, no ta sinti konsoladu di sibi kuma Jeova sibi kal purblemas ku no ta nfrenta, i ta apresia no fidelidadi ku no perseveransa, i, i na bin abensuanu ciu. (Jer 29:11, 12) Jesus tambi ta mostra interesi pesual na nos. Nkuantu no na kumpri di manera kompletu no obrigasons suma kristons, i danu es garantia: “N na sta ku bos”. (Mat 28:20) Ora ku no para i medita na futuru libertason bas di Renu di Deus, no ta fortalisi no speransa ku no determinason di aguenta difikuldadis ku no sta na pasa. — Rom 8:19-21.

JUBI VIDEO NKUANTU BENTU DI GARANDI TRIBULASON NA PERTU, KONSENTRA BU ATENSON NA JESUS! — FUTURU BENSONS DI RENU, I DIPUS RUSPUNDI ES PURGUNTAS:

• Kuma ku umanus sipara di Deus, i kal ki sedu rusultadu?

• Kal ki futuru ku kilis ku sedu fiel pa Jeova na tene?

• Kuma ki pusivel tene es futuru maravilyosu?

• Kal bensons ku purmitidu na novu mundu ku bu sta ansiosu pa oja?