Jovens — Bo konta bo pape ku bo mame ke ku bo tene na bo korson

Ke ku manda bu dibi di konta bu pape ku bu mame ke ku bu sta na pensa? (Dit 23:26) Pabia Jeova da elis responsabilidadi di kuida di bo i di orientau. (Sal 127:3, 4) I na sedu difisil pa e judau si kontra bu sukundi elis tudu bu preokupasons. Tambi, bu ka na aprindi bon spiriensias ke tene na se vida. Sera ki i mal guarda alguns kusas ku bu ta pensa nel pa bo? I ka tudu ora ki mal. Ma toma kuidadu pa ka bu ngana bu pape ku bu mame i fasi elis fia na un kusa ki ka bardadi. — Dit 3:32.

Kuma ku bu pudi papia ku bu pape i ku bu mame? Tenta ranja tempu ku na bon pa bo i pa relis. Si difisil pa bo, bu pudi skirbi un karta nunde ku bu na konta elis bu sentimentus. Ma ke gora se misti papia ku bo di un asuntu ku bu ka misti papia del? Lembra kuma na bardadi e misti nan judau. Pensa na bu pape ku bu mame suma jintis ku na apoiau, nau bu inimigus. Sforsus ku bu na fasi pa papia ku bu papes i konta elis ke ku sta na bu korson na judau na tudu bu vida, tambi pa vida ku ka ta kaba! — Dit 4:10-12.

JUBI VIDEO ÑA JUVENTUDI — KUMA KU N PUDI PAPIA KU ÑA PAPE I KU ÑA MAME? I DIPUS RUSPUNDI ES PURGUNTAS:

• 

  Ke ku Esther ku Partik rikuñisi aserka di se kabesa?

• 

  Ke ku bu pudi aprindi di isemplu di Jesus?

• 

  Kuma ku bu pape ku bu mame mostra di kuma e ta preokupa ku bo?

• 

  Kal prinsipius ku sta na Biblia ku pudi judau papia ku bu pape i ku bu mame?