Bu pudi kontribui pa alegria di bu familia

Jeova misti pa familia tene kontentamentu. (Sal 127:3-5; Ekl 9:9; 11:9) Ma no pudi pirdi no alegria pabia di stres des mundu, i pabia di erus di membrus di no familia. Ke ku kada membru di familia pudi fasi pa i ten kontentamentu na familia?

Omi dibi di mostra rispitu pa si minjer. (1 Ped 3:7) I ta pasa tempu ku el. I ka ta pidil pa i fasi mas di kil ki pudi fasi, i ta da balur pa ke ku kila ta fasi pa rel i pa familia. (Kol 3:15) I ta kontal di kuma i amal, tambi i ta ngabal. — Dit 31:28, 31.

Minjer ta buska manera di apoia si omi. (Dit 31:12) I ta baŝa pa si omi, tambi i ta kopera ku el. (Kol 3:18) I ta papia ku el ku bondadi, i ora ki na papia ku utrus aserka del i ta fasil ku bondadi. — Dit 31:26.

Papes ta ranja tempu pa se fijus. (Lei 6:6, 7) E ta fala se fijus di kuma e ama elis. (Mat 3:17) Ora ke na disiplina elis e ta fasil ku amor i ku ntindimentu. — Ef 6:4.

Fijus ta rispita i obdisi se pape ku se mame. (Dit 23:22) E ta disa pa se pape ku se mame sibi ke ke na pensa i kuma ke na sinti. E ta seta disiplina ku ta bin di se papes i e ta mostra rispitu pa relis. — Dit 19:20.

JUBI VIDEO DISENVOLVI KONTENTAMENTU NA BU FAMILIA, I DIPUS RUSPUNDI ES PURGUNTA:

Ke ku kada un son delis fasi pa i ten kontentamentu na familia?