Sera ki bu ta buska sibi kuma ku Jeova ta ruspundi bu orasons?

Biblia tene manga di isemplu di orasons ku Jeova ruspundi. Ora ku servus di Deus oja kuma ku Jeova ta sukuta elis ora ke na konta se purblemas, i juda elis, sin duvida, se fe ta torna mas forti. Ma, na no orasons pesual i bon pa no konta ke propi ku no na pasa, i pirsisa del, i tenta nota kuma ku Jeova ta ruspundi. Lembra di kuma, si resposta pudi sedu diferenti, o sedu mas di ki kil ku no pidi. (2 Kor 12:7-9; Ef 3:20) Ke ku Jeova pudi da pa ruspundi pididu ku no fasi?

• Forsa fisiku, emosional o spiritual pa lida ku un purblema. — Fil 4:13.

• Jiresa pa toma un bon disison. — Tiagu 1:5.

• Diseẑu ku puder pa fasi un kusa. — Fil 2:13.

• Susegu ora ku no sta ku manga di preokupasons. — Fil 4:6, 7.

• Usa utrus ku pudi judanu ku kusas ku no pirsisa del o animanu. — 1 Jon 3:17, 18.

• Ajuda pa kilis ku no ta ora pa rel. — At 12:5, 11.

JUBI VIDEO JEOVA I ALGIN “KU TA OBI ORASON”, I DIPUS RUSPUNDI ES PURGUNTAS:

• Kuma ku spiriensia di ermon Shimizu nkoraẑanu si no ka pudi fasi tudu ku no misti, pabia di purblemas di saudi?

• Kuma ku no pudi kopia isemplu di ermon Shimizu?