NO VIDA KRISTON

Juda kilis ku ka tene riliẑion pa e kunsi kin ku kumpu elis

Sera ki bu ta disa di prega kilis ku ka tene riliẑion pabia bu pensa di kuma e ka na sukutau? Si asin, lembra kuma manga delis ku ka tene riliẑion inkluindu kilis ku ka fia di kuma Deus ten, bin torna Tustumuñas di Jeova. Manga di bias, e pirsisa so di un bokadu di ajuda pa oja provas ku ta mostra di kuma Deus ten. — Rom 1:20; 10:14.

JUBI VIDEO LEMBRA KUMA, KILIS KU KA TENE FE PUDI BIN TENEL! — JINTIS KI KA RILIẐIOSU, I DIPUS RUSPUNDI ES PURGUNTA:

Kuma ku spiriensia di Tommaso judau tene un manera di pensa pusitivu aserka di prega kilis ku ka tene riliẑion?

Bu resposta

Ke ku bu pudi fasi?

Si un algin fala di kuma i ka fia na Deus, mostra bondadi, rispitu, ku interesi sinseru na si sentimentu ku na ke ki fala. (2 Tim 2:24) Papia di asuntus ku talves i na sta interesadu pa obi. Sera ki i misti papia di provas ku leba manga delis na fia di kuma Deus ten? Si i misti, usa publikasons ku videos ku fasidu pa es objetivu. Broŝura Será Que a Vida Teve Um Criador? ku A Origem da Vida – Cinco Perguntas Que Merecem Resposta buridu na no kaŝa di feramenta pa nsina pa e pudi ojadu ku fasilidadi.

Na kumsada, bu pudi sta ku duvida pa papia aserka di bardadi ku un algin ku ka fia na Deus. Pidi un publikadur ku tene spiriensia pa i judau. Lembra tambi di kuma, Jeova pudi judanu toka korson di kilis ku sta dispostu, nin si kontra na kumsada e ka fiaba di kuma el i izisti. — At 13:48.