5-11 DI AGUSTU

SALMUS 70-72

Kantiku 59 ku orason | Introduson (1 min.)

RIKESAS DI PALABRA DI DEUS

1. Papia aserka di puder di Deus pa “jorson ku na lanta na futuru”

(10 min.)

Davi sinti proteson di Jeova ocal joven. (Sal 71:5; w99-T 1/9 paẑina 18 paragrafu 17)

Davi sinti apoiu di Jeova duranti si bejisa. (Sal 71:9; g04-T 8/10 paẑina 23 paragrafu 3)

Davi nkoraẑa jovens manera ki konta elis si spiriensia. (Sal 71:17, 18; w14-T 15/1 paẑina 23 paragrafu 4 ku 5)

Familia ku mostraduba na parti “Kusas ku pudi fasidu na adorason na familia” di semana pasadu. E kumbida un kasal di idadi avansadu pa se adorason na familia i e sta na sukuta ku kontentamentu nkuantu kilas sta na mostra elis fotos i konta elis spiriensias.

PUNTA BU KABESA: ‘Kal algin di no kongregason ku tarda ja na sirbi Jeova, ku N na gostaba pa i kontanu si spiriensa na no adorason na familia?’

2. Diskubri joias spiritual

(10 min.)

Sal 72:8 — Kuma ku purmesa ku Jeova fasi Abraon ku sta na Kumsada 15:18 kumpri duranti renansa di rei Salomon? (it-1-T paẑina 892 paragrafu 2)

Bu resposta
Kal joias spiritual ku bu diskubri na leitura di Biblia des semana ku bu misti konta?

Bu resposta

3. Leitura di Biblia

(4 min.) Sal 71:1-24. (th studu 5)

FASI BU MINJOR NA MINISTERIU

4. Kumsa kombersa

(3 min.) KASA PA KASA. Ora ku algin kumsa na diskuti, kaba kombersa na bon manera. (lmd lison 4 pontu 5)

5. Revisita

(4 min.) TUSTUMUÑU INFORMAL. Kontinua kombersa ku un di bu familia ku ka muitu misti studa Biblia. (lmd lison 8 pontu 4)

6. Splika kusas ku bu ta fia nel

(5 min.) Diskursu. ijwfq-TPO artigu 49 — Tema: Ke ku manda Tustumuñas di Jeova muda alguns kusas ke fiaba nel? (th studu 17)

NO VIDA KRISTON

Kantiku 76

7. Ideias pa adorason na familia

(15 min.) Konsiderason.

Familia ku mostraduba na kumsada firma e na nsaia un kantigu di Renu.

Familia sta na jubi un programa di JW Broadcasting.

Un di fiju femia sta na fasi papel di mame duranti parti di nsaiu na adorason na familia.

Adorason na familia i un mumentu importanti pa mininus aprindi “disiplina ku nsinamentu di Siñor.” (Ef 6:4) I pirsis sforsu pa aprindi, ma i pudi sedu un kusa interesanti, spesialmenti ora ku mininus kumsa ku tene vontadi di aprindi mas aserka di bardadis di Biblia. (Jon 6:27; 1 Ped 2:2) Jubi kuadru “Ideias pa adorason na familia”, ku pudi juda papes fasi se adorason na familia pa i sedu un mumentu nunde ke na aprindi tambi ke na gosta del, i dipus fasi asistensia es purguntas:

Kal un des kusas ku bu na gosta di tenta fasi?

Bu resposta
Sera ki bu nota utru kusa ku pudi juda?

Bu resposta

IDEIAS PA ADORASON NA FAMILIA

BIBLIA:

Bo sukuta gravason di audio di Biblia di leitura di Biblia di semana, o kada un son di bos lei un parti na vos altu. Kada membru di familia pudi lei parti di un algin ku sta na faladu del na kil parti di Biblia.
Purpara purguntas basiadu na leitura di Biblia di semana. Kada membru di familia pudi kuji un purgunta i fasi piskisa aserka del. Dipus e pudi konta ke ke aprindi.
Fasi un purgunta o fala di un purblema ku pudi bin kontisi, i dipus buska prinsipius di Biblia na livru Vida Cristã – Textos Bíblicos Úteis ku na pudi aplika pa ki purgunta o situason.
Fasi nsenason o pesa di un storia di Biblia.
Kada semana, korta papel bu skirbi diferenti testu di Biblia na un ladu di papel i na ki utru ladu pui ke ku versikulu fala, suma kilis ku sta na apendisi A di broŝura Amor Na Judau — Fasi Disipulus, i dipus tenta nkorna versikulu. Ripiti jubi papelis di semanas ku pasa.
Studa un parti di livru Bu Pudi Tene Un Vida Filis pa Sempri!
Kuji membrus di familia pa e papia di un di artigus ku sta na serie “Purguntas di Biblia ku Ruspundidu” ku sta na parti NSINUS DI BIBLIA na jw.org

RUNIONS:

Purpara un parti di runion di kongregason.
Purpara i nsaia kumentarius. Ka bu diskisi di tempu.
Nsaia kantikus di Renu.
Pa runion ku na bin, purpara i nsaia ke ku bu na fala pa nkoraẑa un algin antis o dipus di runion.
Nsaia dianti di familia un parti ku un membru di bu familia tene pa apresenta nin i ka na tarda na runion di semana.

PREGASON:

Purpara pa pregason di kasa pa kasa.
Purpara pa revisitas.
Imaẑina bo sta na da tustumuñu informal, bo nsaia kuma ku bo na kumsa kombersa di bon manera.
Bo kombersa di ke ku bo pudi fasi, pa fasi mas na pregason duranti tempu di Memorial o duranti tempu di ferias di tarbaju o di skola.

KE KU FAMILIA PIRSISA DEL:

Bo nsaia kuma di lida ku un situason ku kontisi o ku pudi bin kontisi, suma asuntu di neutralidadi, buliduris, namoru ku festas di feriadus.
Bo kria un situason nunde ku bo na troka papel, fijus na sedu papes i papes na sedu fijus. Fijus na fasi piskisa di un asuntu i dipus e na papia ku se papes di un manera ku na fasi elis pensa.

UTRU KUSAS KU BO PUDI FASI:

Bo jubi un programa di JW Broadcasting^® i bo kombersa aserka del.
Bo lei un artigu o jubi un video ku sta na jw.org, i dipus bo papia del.
Bo kombersa aserka di algun kusa ku sta na parti “Adolesentis” o “Mininus” na parti NSINUS DI BIBLIA na jw.org.
Bo jubi notas ku bo toma na un kongresu o asembleia.
Bo jubi o piskisa un di kusas ku Jeova kumpu, i dipus bo papia di ke ki ta nsinanu aserka di Jeova.
Ba ta dati bu kumbida un algin na bo adorason na familia i dipus fasil purguntas aserka di si spiriensia.
Fiksa objetivus spiritual, i dipus bo papia aserka di kuma ku bo pudi yangasa elis.
Bo tenta kumpu algun kusa juntu suma arka di Noe o bo studa alguns mapas ku grafikus ku sta na Tradução do Novo Mundo i na no publikasons.

Mostra VIDEO Kontinua Minjoria Bo Adorason na Familia. Dipus fasi asistensia es purgunta:

Kuma ku un omi pudi fasi pa adorason na familia sedu interesanti pa si minjer ora ki ka ten fijus na kasa?

Bu resposta

8. Studu bibliku di kongregason

(30 min.) lff lison 58.