Spiriensia

Mostra di kuma bu ta sinti pena pa tudu tipu di jintis

Un dia, un irma na Nova Zelandia jubi video “Cuidem Uns dos Outros” ku na fala di kuma ku Jeova ka ta sinti so pena, ma tambi i ta mostral. (Isa 63:​7-9) I disidi aplika ke ki aprindi oca ki buska manera di juda un algin. Mas tardi na ki dia, oca i na fasi kompra na super merkadu, i oja un minjer ku ta durmi na rua, i puntal si pudi kumpral un kusa di kume. Minjer seta. Oca irma riba ku kumida i usa tratadu Sera ki un dia sufrimentu na kaba? pa pregal un bokadu.

Minjer kumsa ku cora. I splikal di kuma i kriadu suma Tustumuña di Jeova, ma oca i seduba joven i ka fasi nin un progresu. Ma i ka tarda i ora Jeova pa i judal riba. Irma dal un Biblia i minjer seta un studu di Biblia.a

Suma Jeova, no pudi mostra di kuma no ta sinti pena di jintis, nkluindu no familia ku no ermons ku irmas na kongregason. No pudi tambi mostra di kuma no ta sinti pena di utrus ora ku no buska oportunidadis pa prega elis.