Sforsa pa aprindi nobu kusas ora ku bu na studa

Ora ku no na purpara pa studa, no pudi punta no kabesa: ‘Ke ku N na spera aprindi?’ Ma, no pirsisa di lembra di kuma, mesmu si no pensa di kuma no na aprindi algun kusa, kila ka signifika di kuma, i ka ten nobu kusa ku Jeova misti pa no aprindi. Kuma ku no pudi sukuta ke ku Jeova sta na nsinanu?

Ora pa pidi jiresa. Pidi Jeova pa i judau ntindi ke ki i misti pa bu aprindi gosi. (Tiagu 1:5) Ka bu kontenti so ku ke ku bu sibiba ja. — Dit 3:​5, 6.

Disa pa puder di Palabra di Deus influensia bu vida. “Palabra di Deus i bibu”. (Eb 4:12) Pa kila, kada bias ku no na lei Biblia, i pudi nsinanu un kusa nobu i judanu di diferenti manera. Ma kila na sedu so si no rikuñisi di kuma, no pirsisa di aprindi ke ku Deus sta na nsinanu.

Da balur pa tudu ke ku Jeova sta na usa pa nsinanu. Si kumida spiritual i suma “un festa di kumida riku”. (Isa 25:6) Ka bu ivita studa asuntus ku bu pensa di kuma bu ka na gosta di studa. Bu na disa pa Deus judau torna un bon algin, tambi bu na gosta di studa!