Fasi diseñu ta juda algin lembra di ke ki aprindi

Suma maioria di jintis, talves i ta sedu difisil pa bu lembra di ke ku bu studa. Ma i fasil lembra di manga di kusas ku Jesus nsina, pabia manga di bias i ta usa komparasons. Bu pudi imaẑina ke ku Jesus fala, i kila pudi judau lembra di ke ki nsina. Di mesmu manera, bu na mas lembra di ke ku bu na studa si bu tenta imaẑina. Kuma ku bu pudi fasi kila? I ora ku bu na fasi diseñu nkuantu bu na aprindi.

Manga di bias, jintis ku ta diseña kusas ke kumsa aprindi, ta mas lembra di ki kusas. Fasi diseñus ka ta juda elis so ntindi minjor palabras, ma tambi i ta juda elis ntindi pontus prinsipal ke aprindi. Se diseñus i ka un kusa komplikadu, ma simplis. Provas mostra di kuma es maneras di fasi pudi juda jintis di idadi.

Prosimu bias ku bu na studa, bu pudi fasi diseñu di alguns kusas ku bu aprindi. Bu na fika surprendidu di oja kuantidadi di kusas ku bu na lembra del!