Sera ki Deus i Trindadi?

Resposta di Biblia

Manga di riliẑions ku ta afirma sedu kriston ta sina kuma Deus i Trindadi. Ma jubi ke ku Encyclopædia Britannica fala: “Nin palabra Trindadi nin nsinu di Trindadi ka sta na Nobu Testamentu . . . Es nsinu disenvolvi puku puku pa manga di sekulus i tisi manga di dibatis.”

Na bardadi, Deus di Biblia nunka ka diskrivi si kabesa suma un parti di Trindadi. Jubi so es versikulus di Biblia:

“SIÑOR no Deus, el son ku sedu SIÑOR.” — Ripitison di Lei 6:4.

“Abo son ku tene nomi di SIÑOR, bu sedu Deus ku ta rena riba di tudu mundu.” — Salmu 83:18.

“Vida ku ka ta kaba i es: Pa tudu jinti kunsiu, abo son, uniku Deus di bardadi, ku Jesus Kristu, kil ku bu manda.” — Jon 17:3.

“Deus i un son.” — Gálatas 3:20.

Pabia ku manga di riliẑions ku ta afirma sedu kriston ta fala kuma Deus i Trindadi?