Ke ku Manda Jintis ta Muri?

Resposta di Biblia

I normal punta ke ku manda jintis ta muri, spesialmenti ora ki sedu algin ku no gosta del. Biblia fala: “Fidida di mortu i pekadu.” — 1 Koríntius 15:56.

Ke ku manda tudu jintis peka i e ta muri?

Purmeru omi ku minjer, Adon ku Eva, pirdi vida pabia e peka kontra Deus. (Kumsada 3:17-19) Mortu i uniku rusultadu pusivel di se rebelion kontra Deus pabia el i “fonti di vida”. — Salmu 36:9; Kumsada 2:17.

Adon kambanta difeitu di pekadu pa tudu si fijus. Biblia fala: “Pekadu yentra na mundu pabia di un omi; i tisi mortu. Asin tambi mortu pasa pa tudu jintis pabia tudu peka.” (Romanus 5:12) Tudu jintis ta muri pabia tudu peka. — Romanus 3:23.

Kuma ku mortu na bin kabadu kel?

Deus purmiti di kuma i na ciga tempu ki “i na nguli mortu pa sempri.” (Isaias 25:8) Pa kaba ku mortu, i dibi di kaba ku ke ku ta pui no ta muri, ku sedu pekadu. Deus na fasi es atraves di Jesus Kristu, kil ku ta “tira pekadu na mundu.” — Jon 1:29; 1 Jon 1:7.