PARTI 2

Kin ki Deus di bardadi?

Jeova na si tronu i na jubi si kriaturas, kilis ku sta na seu ku kilis ku sta na tera

I ten son un Deus di bardadi, si nomi i Jeova. (Salmu 83:18, NM) El i Spiritu; no ka pudi ojal. I amanu, i misti pa no amal. I misti tambi pa no ama utru jintis. (Mateus 22:35-40) El i Deus ki sta riba di tudu, ku kumpu tudu kusas.

Purmeru algin ku Deus kumpu seduba un anju puderosu, ki mas tardi bin kunsidu ku nomi di Jesus Kristu. Jeova kumpu tambi utrus anjus.

Jeova kumpu tudu kusas na seu . . . i na tera. Apokalipsi 4:11

Jeova Deus kumpu strelas, tera, ku tudu kusas ki sta nel. — Kumsada 1:1.

I kumpu purmeru omi Adon ku reia di con. — Kumsada 2:7.