Kuma ku bu ta nkara Biblia?
Bu pensa kuma i . . .
un livru di brankus?
un livru di nsinus falsu?
Palabra di Deus?
KE KI BIBLIA FALA
“Tudu Skritura, i Deus ku nspiral.” — 2 Timótiu 3:16, Bíblia no Crioulo da Guiné-Bissau.
KUMA KES PUDI BENEFISIAU
Respostas sertu pa purguntas importanti di vida. — Ditus 2:1-5.
Orientason di konfiansa pa vida di kada dia. — Salmu 119:105.
Speransa suguru pa futuru. — Romanus 15:4.
NO PUDI NA BARDADI FIA NA KE KI BIBLIA FALA?
Sin, pelu menus pa tris rason:
Armonia garandi. Biblia skirbidu na un piriudu di mas di 1.600 anu pa serka di 40 omis diferenti. Maioria delis ka ciga di kunsi n̈utru. Ma mesmu asin, tudu livru tene armonia, ku un uniku tema!
Skirbiduris onestu. Manga di bias, ora ku se povu pirdi gera, skirbiduris di storia ta sugundi kila. Ma skirbiduris di Biblia diferenti, ku onestidadi e skirbi se falias ku falias di se povu. — 2 Kronikas 36:15, 16; Salmu 51:1-4.
Profesias di konfiansa. Mas di 700 anu antis, Biblia falaba ja kuma Mesias na padidu na Belen, sidadi siñu na tera di Juda. (Mikeias 5:2) Nunde ku Jesus bin padidu? Na ki propi sidadi! — Mateus 2:1-6.
Manga di utrus profesias di Biblia kumpri tambi suma ki faladu. Sera ki kila i ka motivu di fia kuma Biblia bin di Deus? — 2 Pedru 1:21.
PENSA NES
Kuma ku Palabra di Deus pudi minjoria bu vida?
Biblia ruspundi es purgunta na ISAIAS 48:17, 18 ku 2 TIMÓTIU 3:16, 17.