LISON 60
Kontinua fortalisi bu amizadi ku Jeova
Atraves des studu di Biblia, bu aprindi manga di kusas aserka di Jeova. Kusas ku bu aprindi fasi pa bu amal ciu dimas i talves bu dedika ja bu vida pa rel i bu batisa. Si bu ka fasil inda talves bu sta na pensa fasil nin i ka na tarda. Ma dipus di batismu bu ka na para kontinua pertusi di Jeova. Bu pudi kontinua pertusi mas di Jeova pa sempri. Kuma ku bu pudi fasi kila?
1. Ke ku manda bu dibi di kontinua fortalisi bu amizadi ku Jeova?
No pirsisa di fasi sforsu garandi pa kontinua fortalisi no amizadi ku Jeova. Pabia? “Pa ka no disvia di” Jeova. (Ebreus 2:1) Ke ku pudi judanu kontinua sirbi Jeova ku fidelidadi? No pudi manti okupadu na tarbaju di pregason i jubi utru manera ku no pudi sirbi no Deus mas minjor. (Lei Filipensis 3:16.) Sirbi Jeova i minjor manera di vivi! — Salmu 84:10.
2. Ke mas ku bu dibi di kontinua fasi?
Apesar di kuma es studu di Biblia ku bu tene na kaba gosi, ma bu vida suma kriston na kontinua. Biblia fala no pirsisa di “bisti nobu naturesa”. (Efésius 4:23, 24) Si bu kontinua studa Palabra di Deus i mati runions di kongregason, bu na aprindi nobu kusas aserka di Jeova ku si maneras di sedu. Jubi kuma ku bu pudi kopia di pertu maneras di sedu di Jeova na bu vida. Kontinua fasi kualker mudansas ki pirsis pa kontenta Jeova.
3. Kuma ku Jeova na judau kontinua tene amizadi ku el?
Biblia fala: “Deus . . . ta fasi bos kompletu, i ta firmanta bos, i ta fortifika bos, i ta da bos firmi alisersu.” (1 Pedru 5:10) Anos tudu no ta nfrenta tentason. Ma Jeova ta danu ke ku no pirsisa del pa risisti elis. (Salmu 139:23, 24) I purmiti danu diseẑu ku puder pa sirbil ku fidelidadi. — Lei Filipensis 2:13.
APRINDI MAS
Jubi kuma ku bu pudi kontinua fortalisi bu amizadi ku Jeova i kuma ki na bensuau.
4. Kontinua papia i sukuta bu minjor amigu
Orason ku studu di Biblia judau sedu amigu di Jeova. Kuma ku es atividadis pudi judau pertusi mas del?
Lei Salmu 62:8 dipus bo kombersa aserka des purgunta:
Pa fortalisi bu amizadi ku Jeova, kuma ku bu pudi minjoria kualidadi di bu orasons?
Lei Salmu 1:2, dipus bo kombersa aserka des purgunta:
Pa fortalisi bu amizadi ku Jeova, kuma ku bu pudi minjoria bu leitura di Biblia?
Ke ku bu pudi fasi pa aproveita mas di bu studu pesual? Pa oja algun ideia di kila, mostra VIDEO, dipus bo kombersa aserka des purguntas:
Kal suẑestons nes video ku bu pudi aplika?
Kal asuntus ku bu na gosta di studa?
5. Fiksa objetivus spiritual
Si bu tene objetivus na sirvisu di Jeova, kila na judau kontinua pertusi mas del. Mostra VIDEO, dipus bo kombersa aserka des purgunta.
Na video, kal benefisius ku Cameron tene di fiksa objetivus spiritual?
I ka tudu jintis ku na pudi bai prega na un utru tera. Ma mesmu asin, anos tudu no pudi fiksa objetivus ku no pudi yangasa. Lei Ditus 21:5, dipus bo kombersa aserka di kal objetivu ku bu gosta di fiksa . . .
na kongregason.
na pregason.
Kuma ku prinsipiu ku faladu del nes versikulu na judau yangasa bu objetivu?
Objetivus ku bu pudi tenta yangasa
Minjoria kualidadi di bu orason.
Lei Biblia ntidu.
Tenta kunsi kada kin na bu kongregason.
Kumsa i diriẑi un studu di Biblia.
Sirbi suma pioneru ausiliar o suma pioneru regular.
Si bu sedu un ermon, sforsa pa sedu servu ministerial.
6. Tene un vida filis pa sempri!
Lei Salmu 22:26, dipus bo kombersa aserka des purgunta:
Ke ku bu pudi fasi pa tene un vida filis gosi i pa sempri?
RUSUMU
Kontinua fortalisi bu amizadi ku Jeova i fiksa objetivus spiritual. Asin bu na pudi tene un vida filis pa sempri!
Rekapitulason
Ke ku manda bu pudi tene sertesa di kuma Jeova na judau pa bu sirbil ku fidelidadi?
Kuma ku bu pudi fortalisi bu amizadi ku Jeova?
Kuma ku objetivus spiritual pudi judau fortalisi bu amizadi ku Jeova?
TENE MAS INFORMASON
Ke ku Jeova mas ta da balur, pa no fasi un kusa adimiradu un bias o mostra no fidelidadi na no vida di kada dia?
Mesmu un servu fiel di Jeova pudi pirdi si kontentamentu. Jubi kuma ku bu pudi tene mas bu kontentamentu.
Rekupera Bu Kontentamentu Atraves di Studu ku Meditason (5:25)
Kuma ku bu pudi fiksa objetivus spiritual i yangasa elis?
“Tene objetivus spiritual pa ngaba bu Kriadur” (Sintinela di 15 di juliu di 2004)