Pui bu kabesa na lugar di utrus

Ke ku Jesus fasi

VIDEO: Jesus Sinti Pena di Multidon

1. Jubi VIDEO, o lei Markus 6:​30-34. Dipus pensa diritu nes purguntas:

1. Pabia ku Jesus ku si disipulus mistiba sta “elis son”?

2. Ke ku leba Jesus na nsina ki multidon di jinti?

Ke ku no aprindi di Jesus?

2. No misti konta jintis bon noba, i no misti tambi juda elis.

Kopia isemplu di Jesus

3. Sukuta diritu. Disa algin pa i konta ke ki sta na pensa. Ka bu ntrumpil o dispresa si sentimentu, si preokupason o si opinion. Ora ku bu sukutal diritu bu ta mostra di kuma bu preokupa ku ke ki na pensa.

4. Pensa na algin ku mostra interesi. Di akordu ku ke ku bo papia, punta bu kabesa:

1. ‘Pabia ki i pirsisa di obi bardadi ku sta na Biblia?’

2. ‘Kuma ku studa Biblia na minjoria si vida gosi i minjoria si futuru?’

5. Papia di kusas ku pudi judal. Mostral mas rapidu pusivel, kuma studu di Biblia pudi ruspundi si purguntas i judal di manera pratiku.