Mostra empatia

Empatia i kapasidadi di sibi ntindi pensamentu, sintimentu, normas i nesesidadi di utrus. Utrus pudi sibi si no tene empatia. Si na bardadi no misti juda utrus, kila na judanu mostra empatia pa relis. Ora ku no na mostra empatia na pregason, no ta kopia amor ku interesi ku Jeova tene pa jintis, i kila ta fasi elis pa e misti kunsil. — Fil 2:4.

Mostra empatia i ka so un metudu ora ku no na nsina. No ta mostra empatia ora ku no na sukuta ku tudu atenson i ku bondadi. No ta mostral tambi na no manera di papia, na no komportamentu, no ẑestu, i atraves di no rostu. Tambi no ta mostra empatia ora ku no tene interesi di bardadi na utrus. No ta leba en konta se interesi, ke ke ta fia nel, i situason ke sta na pasa. No ta da elis informason pratiku i no ta juda elis, ma no ka ta obriga elis muda. Ora ku utrus seta pa no juda elis, kila ta omenta mas no kontentamentu na pregason.

JUBI VIDEO TENE KONTENTAMENTU NA FASI DISIPULUS — MINJORIA BU ABILIDADIS — MOSTRA EMPATIA, I DIPUS RUSPUNDI ES PURGUNTAS:

• 

  Kuma ku Neta mostra empatia oca ku Jadi atrasa?

• 

  Kuma ku Neta mostra empatia oca ku Jadi fala i sta preokupadu, e ka na pudi studa?

• 

  Kuma ku Neta mostra empatia oca ku Jadi fala, el i ka un algin organizadu?