Toka korson

Obdiensia pa Deus ta bin di korson. (Dit 3:1) Pa kila, ora ku no na sina no dibi di sforsa pa toka korson di kilis ku na obinu. Kuma ku no pudi fasi kila?

Ka bu sina so bu studanti bardadis di Biblia, ma judal oja kuma ku kila na afeta si vida i si relason ku Jeova. Judal ntindi kuma ku normas di Biblia ta mostra amor, bondadi ku justisa di Deus. Ku rispitu fasil purguntas ku na judal pa i konta kuma ki ta sinti aserka di ke ki na aprindi. Judal oja kuma ku si vida na minjoria si muda si komportamentu o si mau abitus. Ora ku bu oja kuma bu studanti ama Jeova di tudu korson, bu kontentamentu na omenta.

JUBI VIDEO TENE KONTENTAMENTU NA FASI DISIPULUS — MINJORIA BU ABILIDADIS — TOKA KORSON, I DIPUS RUSPUNDI ES PURGUNTAS:

• 

  Ke ku manda Neta fasi Jadi es purgunta: “Bu fika bu pensa na no kombersa sugunda?”

• 

  Kuma ku Neta juda Jadi oja kuma ku normas di Biblia ta mostra amor di Jeova pa rel?

• 

  Kuma ku Neta juda Jadi pensa na kuma ki pudi mostra si amor pa Deus?