Seta ajuda ku Jeova ta da atraves di orason

I Jeova ku ta fasi pa simentera di bardadi kria rais i kirsi na korson di algin. (1 Kor 3:6-9) Asin, pa pudi sai ben na pregason, no dibi di konfia di kuma Jeova na judanu tambi i na juda no studantis di Biblia.

Pidi Jeova pa i juda bu studanti nguenta preson, i vensi purblemas. (Fil 1:9, 10) Sedu spesifiku. Ora pa spiritu santu gia bu palabras ku bu asons ora ku bu na juda bu studantis. (Luk 11:13) Nsina bu studantis di Biblia kuma ke pudi ora, i nsentiva elis pa e fasil. Ora juntu ku bu studantis, ora pa elis i usa se nomi na orason.

JUBI VIDEO TENE KONTENTAMENTU NA FASI DISIPULUS — SETA AJUDA DI JEOVA — ORASON, I DIPUS RUSPUNDI ES PURGUNTAS:

• Kal kusa ku Neta nota oja ki na studa ku Jadi?

• Kuma ku 1 Koríntius 3:6 juda Neta?

• Kuma ku purblemas di Neta rosolvidu?