Juda studantis di Biblia vensi abitus susu

So kilis ku sedu limpu na sintidu moral, ku pudi tene un amisadi intimu ku Jeova. (1 Ped 1:14-16) Ora ku studantis vensi mau abitus, kila pudi juda se familia, juda elis na se saudi i na se ekonomia.

Splika di manera klaru, normas di moral di Jeova, pabia di ke ku manda i da kil normas i kal ki benefisiu di sigi elis. Konsentra na juda bu studantis muda se manera di pensa, i asin e na pudi fasi ke ki Jeova misti. (Ef 4:22-24) Juda elis tene sertesa di kuma, ku ajuda di Jeova, e pudi para fasi mau kusas ke ta fasi pa manga di tempu. (2 Kor 4:7) Sina elis pa e ora risu pa Jeova, ora ke na pasa pa situasons ku na tenta elis fasi pekadu. Juda elis pa e sibi rapada i ivita situasons ku na bin pui pa i sedu difisil fasi ke ki i bon. Nkoraẑa elis pa e troka se mau abitus ku kusas ku na pudi juda elis. Bu na kontenti ora ku bu oja bu studantis di Biblia sai ben, na fasi mudansas ku ajuda di Jeova.

JUBI VIDEO JUDA BU STUDANTIS DI BIBLIA VENSI ABITUS SUSU, I DIPUS RUSPUNDI ES PURGUNTAS:

• 

  Kuma ku ansions ku Neta mostra konfiansa na Jadi?

• 

  Kuma ku Neta da Jadi mas ajuda ki pirsis?

• 

  Kuma ku Jadi buska ajuda di Jeova?