Alimenta Manga di Jintis Atraves di Pukus

Logu dipus di Paskua di 32 EK, Jesus fasi un milagri, uniku milagri ku skirbidu na tudu kuatru Ivanjelius.

Atraves di es milagri, Jesus stabilisi un mudelu ku kontinua sigidu na no tempu.

14:16-21

• Jesus fala si disipulus pa e alimenta multidon di jintis, apesar di kuma e teneba so sinku pon ku dus pis.

• Jesus toma pon ku pis, i dipus di i ora, i da si disipulus, disipulus pa se ves e da multidon.

• Di manera milagrosu, i tenba mas di ki sufisienti pa kada kin kume. Jesus alimenta milyaris atraves di pukus — si disipulus.

  

• Jesus profetizaba kuma na ultimus dias, i na disigna un kanal pa da kumida spiritual “na ora sertu.” — Mat 24:45.

• Na 1919, Jesus disigna “servu jiru, di fiansa” o skravu fiel i diskretu, ku sedu un grupu pikininu di irmons unjidu, riba di “utru servus di kasa”, kilis ku ta alimentadu.

• Atraves di es grupu pikininu di irmons unjidu, Jesus sta na sigi mudelu ki stabilisi na purmeru sekulu.

Kuma ku N pudi mostra kuma N rukuñisi i N rispita kanal ku Jesus sta na usa pa alimenta jintis na sintidu spiritual?