No minjoria no abilidadi na pregason — Navega na JW.ORG

PABIA KI IMPORTANTI: Kada publikason di no kaŝa di feramenta pa nsina ta diresiona pa jw.org. Na bardadi, objetivu di karton di visita ku tratadu Nunde ku no pudi oja rasposta pa purguntas mas importanti di vida? ta diresiona jintis pa no site. Bu pudi usa jw.org pa oferesi un publikason ku sta na no kaŝa di feramenta pa nsina ora ku bu manda un kopia eletroniku o bu manda link pa un algin. Es pudi sedu di ajuda, prinsipalmenti ora ku bu na da tustumuñu pa algin ku ta papia utru lingua. Alen di kila, jintis pudi fasi purgunta ku ruspundidu na publikasons ku ka sta na no kaŝa di feramenta pa nsina. Si no pudi navega na site, no pudi sedu mas efikas na no ministeriu.

KUMA KU NO PUDI FASIL:

• 

  Entra na “NSINUS DI BIBLIA”. Imaẑina ki bu sta na da tustumuñu pa un di bu familia ku misti sibi mas aserka di kria fijus. Entra na ENSINOS BÍBLICOS > CASAMENTO E FAMÍLIA.

• Entra na “PUBLIKASONS”. Imaẑina ki bu sta na da tustumuñu informal na skola i bu misti manda bu kolega di turma broŝura Respostas pa 10 Purguntas ku Jovens ta Fasi. Entra na PUBLIKASONS > LIVRUS & BROŜURAS.

• Entra na “ASERKA DI NOS”. Imaẑina ki bu sta na da tustumuñu pa bu kolega di tarbaju ku misti lei un splikason brevi di no krensas. Entra na QUEM SOMOS > PERGUNTAS FREQUENTES.

MOSTRA VIDEO NAVEGA NA JW.ORG, DIPUS PAPIA DI NUNDE KI NA ENTRA NA SITE PA JUDA:

• un ateu

• un algin ku kumsa pasa un kasabi

• un irmon o irma inativu

• un revisita ku misti sibi kuma ku no atividadis ta finansiadu

• un stranjeru ku misti asisti runion na si tera