Bu ta nota di kualidadis ku ka ta ojadu di Deus?

Ora ku bu na jubi flor di diferentis koris, seu streladu, o keda di yagu, bu ka ta oja obra di Kriadur? Kriason ku danu volta ta mostra di manera klaru kualidadis ku ka ta ojadu di Jeova. (Rom 1:20) Ora ku no para no pensa na ke ku no oja, no ta konsigi nota puder, amor, jiresa ku justisa di Deus, tambi no ta nota di si ẑenerosidadi. — Sal 104:24.

Kal ki alguns kriasons di Jeova ku bu ta nota del kada dia? Mesmu si bu mora na un prasa, bu pudi oja kacus o arvuris. Jubi ku atenson kriason di Jeova, pudi judanu rapati preokupasons, konsentra na kusas mas importanti, i omenta no fe na kapasidadi di Jeova kuida di nos pa sempri. (Mat 6:25-32) Si bu tene mininus, juda elis nota di kualidadis di Jeova ku ka ten kumpañer. Nkuantu no apresu pa kriason ku danu volta na omenta, no na pertusi mas di Kriadur. — Sal 8:3, 4.

MOSTRA VIDEO AS MARAVILHAS DA CRIAÇÃO REVELAM A GLÓRIA DE DEUS — LUZ E COR, I DIPUS RUSPUNDI ES PURGUNTAS:

• Kuma ku pigmentus ta pirmitinu oja koris?

• Ke ku manda alguns koris ta muda di akordu ku angulu ku no na jubil?

• Ke ku manda no ta oja diferentis koris na seu?

• Kal koris maravilyosu di kriason ku bu ciga di oja pertu di bu kau?

• Pabia ku no dibi di tira tempu pa jubi diritu natureza?