Suma Jeova mostra amor garandi na kusas ki kumpu, no pudi tene konfiansa di kuma i sta prontu pa darma si benson riba di nos, pa sforsu ku no ta fasi di sirbil.
NO VIDA KRISTON
Kuma ku kusas ku Deus kumpu ta mostra si amor
No pudi sta okupadu dimas ku no atividadis di kada dia, no ka ta para pa pensa na kuma ku kusas ku Jeova kumpu, ta mostra si amor ku si ẑenerosidadi. Ma Jesus sinanu, pa no jubi kusas ku Jeova kumpu, i pa no pensa na ke ki ta sinanu aserka del. — Mat 6:25, 26.
JUBI VIDEO KUSAS KU JEOVA KUMPU TA MOSTRA SI AMOR, I DIPUS RUSPUNDI ES PURGUNTAS:
Ke ku no pudi pudi aprindi di amor di Jeova pa nos atraves di . . .
Elementus natural di Tera?
Atmosfera di Tera?
Pajas?
Kuma ku limarias kumpudu?
No orgons di sintidu?
No serebru?