Usa videos pa nsina bu studantis di Biblia

Ajudas visual ta pui algin presta atenson, tambi i ta judal ntindi i lembra di ke ki aprindi. Jeova no Instrutor mas Garandi usa ajudas visual pa nsina lisons importanti. (Kum 15:5; Jer 18:1-6) Garandi Instrutor Jesus fasi tambi mesmu kusa. (Mat 18:2-6; 22:19-21) Un di ajudas visual ku sedu di garandi ajuda na ultimus anu i video. Sera ki bu sta na fasi bon usu di videos ora ku bu na nsina bu studantis di Biblia?

I purparadu 10 videos pa judanu nsina lisons di broŝura Bon Noba ku Bin di Deus! Normalmenti, kada video ta kuruspundi ku un purgunta na broŝura, ku skirbidu ku letras karegadu. Broŝura na verson diẑital ta tene links ku ta lembrantanu kal mumentu ku no pudi mostra kada video. Alen di kila, i ten mas utrus videos pa manga di publikasons di studu ku sta na no kaŝa di feramenta pa nsina.

Sera ki bu sta na konsidera un asuntu bibliku ku pudi sedu difisil pa bu studanti ntindi? O sera ki bu studanti sta na nfrenta un provason spesifiku? Buska videos na jw.org® i na JW Broadcasting® pa oja kil ku pudi judal. Talves bu pudi jubil ku bu studanti dipus bo ta papia del.

Kada mis i ta sai nobu videos. Ora ku bu na jubi elis, pensa na kuma ku bu pudi usa elis pa nsina utrus.