Na pregason, usa broŝura ku livru Bu Pudi Tene un Vida Filis pa Sempri!

No kontenti dimas tene nobu broŝura ku nobu livru pa diriẑi studus bibliku! No na ora pa Jeova bensua no sforsu di fasi mas disipulus. (Mat 28:18-20; 1 Kor 3:6-9) Kuma ku no pudi usa es nobu feramentas?

Livru Bu Pudi Tene un Vida Filis pa Sempri!, fasidu pa tene kombersa ku jintis. I tene nobu manera di sina, pa kila, sigi es orientasons ora ku bu na purpara pa diriẑi studus bibliku.a

• Lei paragrafus, i bo kombersa aserka di purguntas

• Lei testus ku markadu “lei”, i dipus juda studanti ntindi aplikason di ki testus

• Mostra videos i bo kombersa aserka del, usa purguntas ku sta na livru

• Tenta kaba un lison na kada studu

Na pregason, da inda algin broŝura pa jubi si tene interesi. (Jubi kuadru “Kuma ku no pudi apresenta broŝura Bu Pudi Tene un Vida Filis pa Sempri! na purmeru kontaktu.”) Si bo kaba studa broŝura i studanti misti kontinua, dal livru, i bo kontinua studu na lison 04. Si bu sta na usa kualker un di no publikasons di studu pa studa Biblia ku un algin, bo pudi kamba pa livru Bu Pudi Tene un Vida Filis pa Sempri! i jubi na kal lison ku bo pudi kumsa nel.

JUBI VIDEO BEN-VINDU PA BU STUDU DI BIBLIA, I DIPUS RUSPUNDI ES PURGUNTAS:

• Ke ku studanti na aprindi na nobu livru?

• Ke ku manda bu dibi di mostra nobu studantis es video?

• Ke ku bu pudi nsentiva studanti pa i tenta fasi? — Jubi kuadru di kada seson ku tene tema: “Objetivu di kada seson ku ke ku studanti pudi tenta fasi”