Kuma ku bu pudi diriẑi studus ku livru Bu Pudi Tene un Vida Filis pa Sempri!

Antis di studu

1. 

   1. Purpara diritu. Ora ku bu na fasil, pensa na nesesidadis di studanti, si situason ku kusas ki ta fia nel. Pensa antis na kusa ku pudi sedu difisil pa i ntindi o aplika. Jubi kuma ku asuntu ku sta na parti “Tene Mas Informason” pudi juda bu studanti, i si pirsis, sta prontu pa usal ora ku bo na studa.

Ora ku bo na studa

1. 2. Si bu studanti konkorda, ora antis i dipus di studu.

2. 

   3. Toma kuidadu pa ka papia ciu. Konsentra na informason ku dadu, i disa studanti konta ke ki pensa.

3. 4. Ora ku bo kumsa nobu seson di livru, bu pudi lei objetivu di ki seson i fala di alguns titulus di lisons.

4. 5. Ora ku bo kaba un seson usa rekapitulason di seson pa juda bu studanti lembra di bardadis ki aprindi.

5. 6. Ora ku bu na studa kada lison ku bu studanti:

   1. Bo pudi lei paragrafu.

   2. Bo pudi lei tudu testus di Biblia ku markadu “Lei.”

   3. Si pirsis, bo pudi lei utrus testu di Biblia ku faladu del.

   4. 

      Mostra tudu videos ku markadu “Mostra Video” (si bu tene manera di fasil).

   5. Fasi studanti tudu purguntas.

   6. Pidi studanti pa i jubi diseñus o fotos ku sta na parti “Aprindi Mas”, i pidil pa i konta ke ki pensa.

   7. Usa kuadru “Tenta fasi es”, pa juda bu studanti jubi kuma ki sta na fasi progresu spiritual. Bu pudi nkoraẑal pa i usa objetivu ku dadu pa fiksa utrus objetivus, o pa i fiksa tudu dus objetivu.

   8. Punta bu studanti, oca ki na purpara lison, si i ten artigus o videos ki mas gosta del na parti “Tene Mas Informason”.

   9. Bo tenta studa tudu lison na un bias.

Dipus di studu

1. 

   7. Kontinua pensa na bu studanti. Ora Jeova pa i bensua progresu di bu studanti, i pa i dau jiresa pa bu sibi kuma ku bu pudi judal.