Suẑestons ku na juda pa runions di saida di pregason sedu pratiku

Suma tudu runions di kongregason, runions di saida di pregason i un meiu ku Jeova ta usa pa no disperta n̈utru pa mostra amor pa fasi bon tarbaju. (Eb 10:24, 25) E dibi di dura entri sinku te seti minutu. Es nklui organiza grupu, konta jintis nunde ke na bai prega i fasi orason. (Si runion di saida di pregason fasidu dipus di utru runion, i dibi sedu mas kurtu inda.) Diriẑenti dibi di purpara un kusa pratiku, pa kilis ku na sai pregason kil dia. Pur isemplu, dia sabadu, si manga di kilis ku mati runion ka sai pregason semana pasadu, i na sedu pratiku konta so ke ke dibi di fala morador. Kal utrus asuntu ku na sedu bon papia del?

• Un mudelu pa kombersa di No Vida Kriston ku No Ministeriu — Manual pa Runion.

• Kuma ku no pudi usa kusas ku ta akontisi o notisias, pa kumsa un kombersa.

• Kuma ku no pudi vensi un obstakulu ku kustuma ojadu.

• Kuma ku no pudi ruspundi un algin ku ka ta fia na Deus, un algin ku ta fia na evoluson, un algin ku ta papia utru lingua, o un algin ku pertensi utru riliẑion ku ka ta ojadu ciu na bu tiritoriu.

• Kuma ku no pudi usa un parti di site jw.org, aplikativu JW Library^®, o Biblia.

• Kuma ku no pudi usa un di feramentas di no kaŝa di feramenta pa nsina

• Kuma ku no pudi partisipa na alguns maneras di pregason, suma pur isemplu, tustumuñu pa telefoni, skirbi karta, tustumuñu publiku, revisitas, o diriẑi studus bibliku.

• Lembretis aserka di suguransa, sibi adapta, bon maneras, atitudi pusitivu, o utru kusas suma esis.

• Un lison o video di broŝura Pega tesu na lei ku nsina.

• Kuma ku no pudi nkoraẑa i juda no kumpañer di pregason.

• Un testu ku sta ligadu ku pregason o un spriensia di pregason nkoraẑanti.