Kuma ku irmas pudi fasi mas pa Jeova?

Irmas ta kontribui ciu pa tarbaju di Renu. (Sal 68:11, TNM) E ta diriẑi manga di studus bibliku, i maioria di pionerus regular i irmas. Manga di irmas ku ta tarbaja duru, ta sirbi suma betelitas, misionarius, voluntarius o servus di konstruson ku tradutoris. Irmas maduru, ta fortalisi se familias ku kongregasons. (Dit 14:1) Apesar di kuma, irmas ka pudi sirbi suma ansions o servus ministerial, mesmu asin e pudi tene objetivus na kongregason. Si bu sedu irma, kuma ku bu pudi fasi mas na sirvisu di Jeova?

• Disenvolvi kualidadis spiritual. — 1 Tim 3:11; 1 Ped 3:3-6.

• Juda irmas na kongregason ku ka muitu tene spriensia. — Titu 2:3-5.

• Tenta pasa mas tempu na pregason i minjoria kualidadi di bu pregason.

• Aprindi utru lingua.

• Munda pa nunde ki ten mas nesesidadi.

• Prenŝi pitison pa tarbaja na Betel o pa juda na kumpu kaus pa atividadis teokratiku.

• Prenŝi pitison pa Skola pa Ivanjelizaduris di Renu.

JUBI VIDEO MINJERIS KU TA “TARBAJA CIU PA SIÑOR,” I DIPUS RUSPUNDI ES PURGUNTA:

• Kuma ku kumentarius di kada irma nkoraẑau?