Trata minjeris beju suma bu mame, minjeris nobu suma bu irmas

Biblia fala pa no trata irmons ku irmas di idadi suma no papes ku no mames, i kilis ki joven suma no ermons. (Lei 1 Timótiu 5:1, 2.) Prinsipalmenti irmons, dibi di trata irmas ku dignidadi i ku rispitu.

Nunka un irmon ka dibi di pui un irma sinti kuma i tene interesi nel sin na bardadi i ka mistil, o fasi un kusa ku na pui irma ka sta avontadi. (Jo 31:1) Ermon solteru ka dibi di brinka ku emoson di irma soltera o fasil sinti di kuma i misti namora kel kontra i ka misti.

Ansions dibi di sukuta diritu irmas ku fasi purgunta ku rispitu o ku misti papia di un asuntu ki pirsis da atenson. Ansion ta da inda mas atenson pa kilis ku ka tene omi ku na proteẑi elis. — Ruti 2:8, 9.

JUBI VIDEO MOSTRA AMOR KU KA TA FALIA NA KONGREGASON — PA VIUVAS KU ORFANS, I DIPUS RUSPUNDI ES PURGUNTAS:

• 

  Kuma ku kongregason mostra amor ku ka ta falia pa irma Myint?

• 

  Kuma ku amor ku kongregason mostra da un bon tustumuñu pa se tabanka?

• 

  Kuma ku amor ku kongregason mostra toka ciu irma Myint ku si fijus?

Kal ki alguns maneras pratiku ku bu pudi mostra preokupason amorosu pa irmas di bu kongregason?