Lisons di vida di Samuel

Samuel manti fiel pa Jeova duranti tudu si vida. Ocalba rapas, i ka disa pa fijus di Eli, Ofni ku Fineias kurumpil. (1 Sam 2:22-26) Samuel kontinua na kirsi, i Jeova staba ku el. (1 Sam 3:19) Ocal i beju, i kontinua na sirbi Jeova ku fidelidadi, mesmu si si fijus ka ta fasi kila. — 1 Sam 8:1-5.

Ke ku no pudi aprindi di isemplu di Samuel? Si bu sedu joven, tene sertesa di kuma Jeova ta ntindi difikuldadis ku bu ta pasa, i kuma ku bu ta sinti. I pudi judau sedu koraẑozu. (Isa 41:10, 13) Si bu sedu pape o mame ku tene fijus ku ka ta sirbi Jeova, isemplu di Samuel na judau pa bu ka disanima. I ka forsija si fijus garandi pa e kontinua fiel pa normas di Jeova. Nkuantu i disa asuntu na mon di Jeova, i kontinua fiel i kontenta si Pape ku sta na seu, Jeova. I pudi sedu kuma, bu bon isemplu na motiva bu fiju riba pa Jeova.

JUBI VIDEO APRINDI DELIS — SAMUEL, I DIPUS RUSPUNDI ES PURGUNTAS:

• 

  Kuma ku Samuel mostra koraẑen ocal rapas?

• 

  Kuma ku Dani mostra koraẑen?

• 

  Kuma ku Samuel disa un bon isemplu na si bejisa?

• 

  Kuma ku pape ku mame di Dani mostra un bon isemplu?