Tudu purblemas na bin kaba un dia

Purblemas pudi punu pa no lestu ku disanima, prinsipalmenti ora ki parsi di kuma i tarda dimas. Davi sibi di kuma purblema ki tene ku rei Saul na bin kaba, i di kuma i bin sedu rei suma ku Jeova purmitil. (1 Sam 16:13) Fe ku Davi tene judal sedu pasienti i pera na Jeova.

Ora ku no na nfrenta purblema, no pudi usa jiresa, kunsimentu, o bon juisu pa muda no situason. (1 Sam 21:12-14; Dit 1:4) Utrora, no ta fasi tudu ku no pudi, di akordu ku prinsipius ku sta na Biblia, ma alguns di no purblemas ta kontinua. Nes situason, no dibi di tene pasensa i pera na Jeova. I ka na tarda, i na kaba ku tudu no sufrimentu i “limpa tudu larma” di no uju. (Apok 21:4) Si kontra no purblemas pasa pabia Jeova fasi algun kusa o i pabia di utru rason, no pudi sta sertu di kuma: Tudu purblemas na bin kaba un dia. Sibi es pudi animanu.

JUBI VIDEO UN POVU UNIDU NA UN MUNDU DIVIDIDU, I DIPUS RUSPUNDI ES PURGUNTAS:

• Kal purblemas ku alguns kristons na sul di Stadus Unidu pasa?

• Kuma ke mostra pasensa ku amor?

• Kuma ke kontinua konsentra na “kusa mas bon”? — Fil 1:10.