Bu sta purparadu pa nfrenta manifestason sivil?

Nkuantu fin des mundu na pertu, no na spera kuma manifestason sivil, terorismu ku gera na aumenta. (Apok 6:4) Kuma ku no pudi purpara pa situasons difisil ku na bin?

• Purpara na sintidu spiritual: Buska prinsipius ku storias ku sta na Biblia ku na fortalisi bu konfiansa na Jeova i na si organizason, i ki na judau kontinua sedu neutru. (Dit 12:5; jr-T 125-126 pars. 23-24) Gosi i tempu di tene amisadis forti dentru di kongregason. — 1 Ped 4:7, 8.

• Purpara na sintidu fisiku: Fasi planus di sta na un kau suguru, si bu ka pudi sai di kasa, i tene un reserva normal di kusas di kume ku utrus kusas. Tambi, fasi un planu di ke ki bu na fasi, si bu dibi di sai di kasa. Jubi kusas ku sta na bu pasta di emerẑensia, tambi pui kusas di proteson pesual ku diñeru. Sibi kuma ku bu pudi kontakta ansions, i sertifika tambi di kuma ke pudi kontaktau. — Isa 32:2; g17.5-T 3-7.

Na mumentus di manifestason, kontinua fasi sempri kusas ku bu ta fasi pa adora Jeova, suma orason, studu i mati runions. (Fil 1:10) Ivita bai di un lugar pa utru, so si kontra i pirsis fasil. (Mat 10:16) Pati utrus kumida ku utrus kusas. — Rom 12:13.

JUBI VIDEO KUMA KU BU PUDI PURPARA PA DISASTRI? I DIPUS RUSPUNDI ES PURGUNTAS:

• Kuma ku Jeova pudi judanu ora ki ten disastri?

• Kal kusas pratiku ku no pudi fasi pa purpara?

• Kuma ku no pudi juda utrus ku afetadu pa disastris?