Kontinua sta purparadu nes tempu ku no mas na pertusi di fin

Suma no mas na pertusi di fin, no na spera kuma purblemas na omenta kada bias mas. (2 Tim 3:1; nwtsty nota di studu na Mat 24:8) Ora ki akontisi un disastri servus di Jeova ta risibi orientason na tempu sertu, ku pudi salva se vida. Ma dipus no salvason na dipindi di no obdiensia ku purparason desdi gosi, tantu na sintidu spiritual suma fisiku. — Luk 16:10.

• Purpara spiritualmenti: Disenvolvi bon abitu di lei Biblia i fasi studu pesual. Aprindi diferentis formas di pregason. Ka bu panta si pa puku tempu bu sipara di utrus na kongregason. (Isa 30:15) Nunka bu ka na sta siparadu di Jeova ku Jesus. — od-TPO 176 §§ 15-17.

• Purpara fisikamenti: Alen di pastas di emerẑensia, kada familia dibi di tene un reserva razuavel di kusas di kume, yagu, mesiñu, ku utrus kusas, kasu i bin pirsis fika na un kau pa manga di tempu. — Dit 22:3; g17.5-T 4, 6.

JUBI VIDEO KUMA KU BU PUDI PURPARA PA DISASTRI NATURAL? I DIPUS RUSPUNDI ES PURGUNTAS:

• 

  Kuma ku tene un bon relason ku Jeova ta judanu ora ki akontisi disastri natural?

• 

  Pabia ku no dibi di . . .

  • manti un bon kumunikason ku ansions?

  • purpara un pasta di emerẑensia?

  • analiza tipu di disastris ku pudi akontisi, i ke ku bu dibi di fasi na kada situason?

• 

  Di kal tris maneras ku no pudi juda utrus ora ke pasa un disastri natural?

PUNTA BU KABESA: ‘Kal lisons ku es duensa di COVID-19 sinan aserka di sta purparadu?’