Kasamenti — Union pa tudu vida

Un bon kasamenti kriston, i kil ku ta ngaba Jeova i da kontentamentu pa omi ku minjer. (Mar 10:9) Pa tene un kasamenti filis i ku na fika pa tudu tempu, kristons dibi di usa prinsipius di Biblia ora ke na kuji kin ke na kasa ku el.

Ka bu namora ku ningin te ora ku bu tene idadi “adulto”, pabia antis di ki tempu, diseẑus seksual forti pudi pui pa i difisil pa bu toma bon disisons. (1 Kor 7:36, NOBO TESTAMENTO NA CRIOL) Ku jiresa, usa diritu tempu ku bu tene nkuantu bu sedu solteru, pa fortalisi bu amisadi ku Deus i disenvolvi maneras di sedu di un kriston. Asin, bu na pudi juda pa bu kasamenti sai ben.

Antis di bu seta kasa ku un algin, toma tempu ki pirsis pa sibi ke ku sta ‘dentru di si korson’. (1 Ped 3:4) Si ten kusas ku sta na preokupau ciu dimas, papia delis ku algin ku bu na bin kasa ku el. Suma ki ta kontisi na utrus amisadis, na kasamenti, bu dibi di konsentra mas na ke ku bu pudi da pa bu omi o bu minjer, di ki ke ku bu na risibi. (Fil 2:3, 4) Si bu ta aplika prinsipius di Biblia antis di kasamenti, i na sedu mas fasil kontinua fasil dipus, asin bu na pudi tene un kasamenti filis.

JUBI VIDEO PURPARA PA KASAMENTI — PARTI 3: ‘FASI KONTA DI KIL KU BU NA GASTA,’ I DIPUS RUSPUNDI ES PURGUNTAS:

• Kuma ku relason des irma ku Shane staba na bai?

• Ke ki diskubri oca ki kunsil mas minjor?

• Kuma ku si pape ku si mame judal, i kal bon disison ki toma?