NO VIDA KRISTON
Tenta diskubri pensamentu di Deus
No misti kontenta Jeova na tudu ke ku no ta fasi. (Dit 27:11) Pa fasil, no pirsisa di toma disisons ku sta di akordu ku si pensamentu, mesmu si ka ten lei klaru ku na gianu. Ke ku pudi judanu fasi kila?
Ba ta studa Biblia sempri. Kada bias ku no lei Biblia, i suma si no sta na pasa tempu ku Jeova. No pudi aprindi kuma ku Jeova ta pensa, ora ku no jubi kuma ki ta trata si povu, i jubi isemplus di kilis ku fasi bon kusas o mau kusas na si uju. Ora ku no pirsisa di toma un disison, spiritu santu pudi judanu lembra di lisons ku prinsipius importanti ku no aprindi di Palabra di Deus. — Jon 14:26.
Fasi piskisa. Ora ku bu sta pa toma un disison, punta bu kabesa: ‘Kal versikulus o kusas ku faladu na Biblia ku pudi judan ntindi kuma ku Jeova ta sinti aserka di ki asuntu?’ Pidi ajuda di Jeova na orason, i usa feramentas di piskisa ku ten na bu lingua pa judau diskubri i aplika prinsipius di Biblia, ku na judau na bu situason. — Sal 25:4.
JUBI VIDEO NO DIBI DI “KURI KU TUDU MPEÑU” — ALIMENTA DIRITU, I DIPUS RUSPUNDI ES PURGUNTAS:
Kal presons ku es joven na video nfrenta?
Kuma ku bu pudi usa feramenta di piskisa pa judau lida ku es tipu di presons?
Kuma ku no na benefisia si no ta toma tempu pa fasi piskisa i pega tesu na fasi studu pesual ku na judanu toma bon disisons? — Eb 5:13, 14.