Fiksa objetivus pa tempu di Memorial

Kada anu, povu di Jeova ta sta ku presa di mati Memorial juntu. No ta aproveita semanas antis i dipus di Memorial. I un opurtunidadi spesial pa ngaba Jeova i gardisil pa resgati ki danu. (Ef 1:3, 7) Pur isemplu, no ta tarbaja ciu pa kumbida utrus pa Memorial. Utrus ta konsigi fasi mudansas pa pudi sedu pioneru ausiliar ku objetivu di fasi 30 o 50 ora na mis di Marsu o Abril. Sera ki bu misti aumenta tempu ku bu ta pasa na pregason na tempu di Memorial? Ke ku pudi judau fasil?

Manga di bias, no ta konsigi fasi mas, ora ku no fasi programa sedu. (Dit 21:5) Suma tempu di Memorial pertu ciga, gosi i tempu di kumsa fasi programa. Pensa na kuma ku bu pudi aumenta bu partisipason na pregason na tempu di Memorial, i disidi ke ku bu pirsisa di fasi pa yangasa bu objetivus. Dipus pidi Jeova pa i bensua bu sforsu. — 1 Jon 5:14, 15.

Bu pudi pensa na kusas ku bu pudi fasi pa aumenta bu partisipason na pregason na tempu di Memorial?