Kuma ku no pudi juda dipus di un disastri

Disastris natural sta na ten aos kada bias mas. Ora ki ten un disastri, ajuda umanitariu pirsisa di organizadu i kordenadu diritu. Pa kila, Korpu Guvernanti fasi aranẑu pa i ten un Dipartamentu di Ajuda Umanitariu na kada filial.

Ora ku ermons na ki dipartamentu sibi di kuma i ten un disastri, e ta kontakta logu ansions lokal pa jubi kal ajuda ku publikaduris pirsisa del. Si i ten manga di kusas ku dana i publikaduris lokal ka pudi fasi nada, filial ta disigna ermons kualifikadu pa toma diantera na tarbaju di ajuda umanitariu. Es ermons pudi pidi vuluntarius, o pidi pa i fasidu ofertas di algun kusa, o e pudi kumpra i da kusas ki pirsis na lokal.

I ten manga di vantaẑens di kuida di asuntus des manera. I ta ivita tarbajus ku ka pirsis, ivita konfuson i gasta fundus ku materialis. Es kusas pudi kontisi ora ku ermons disidi fasi kusas di se manera.

Ermons disignadu pa filial pudi disidi kantu diñeru i kantu vuluntarius ki pirsis pa da ajuda umanitariu. E pudi tambi papia ku otridadis lokal ku manga di bias pudi juda pa no tarbaju di da ajuda umanitariu bai mas rapidu. Pa kila, ningin ka dibi di toma inisiativa di junta fundu, manda ajuda o viaẑa pa kau ku afetadu, so se pididu pa fasil.

Ma, ora ki ten disastri, no ta misti juda. (Eb 13:16) No ama no ermons! Ke ku no pudi fasi? Mas importanti, no pudi ora pa kilis ku afetadu pa disastri ku kilis ku sta na da ajuda umanitariu. No pudi tambi fasi ofertas pa obra mundial. Bas di orientason di Korpu Guvernanti, filialis mas sibi nunde kes fundus pudi usadu di minjor manera. Si no misti juda, no pudi mostra di kuma no sta dispunivel ora ku no prenŝi formulariu, Petição Para Voluntário do Departamento Local de Desenho/Construção (DC-50).

JUBI VIDEO INŜENTI KU DANA KUSAS NA BRAZIL, I DIPUS RUSPUNDI ES PURGUNTA:

Ke ku tokau aserka di sforsus ku Tustumuñas di Jeova fasi pa da ajuda umanitariu dipus di inŝenti na Brazil na 2020?