Sera ki bu sta na fasi bon usu di audio di Biblia?

Ke ki audio di Biblia? Audio di Biblia, i gravason di Tradução do Novo Mundo da Bíblia Sagrada ku revisadu. I sta na publikadu puku-puku na manga di lingua ki pusivel. Un di pontus altu di audio di Biblia, i di kuma, i ta usadu un vos diferenti pa kada personaẑen di Biblia. Palabras ta leidu na un bon ritimu, vulumi, ton di vos i ku emoson sertu pa transmiti mensaẑen koretu di Biblia.

Kal ki alguns benefisiu di audio Biblia? Manga delis ku ta sukuta sempri audio di Biblia, gosta ciu di kuma kes audio ta fasi pa Palabra di Deus sedu real pa relis. Ora ke na obi diferenti leitoris pa kada personaẑen di Biblia, e ta sinti suma se sta la e na jubi i e ta konsigi ntindi minjor ke ku skirbidu. (Dit 4:5) Manga delis oja tambi di kuma, sukuta audios kurtu di Biblia, ta juda elis ora ke tene kudadi. — Sal 94:19.

Obi leitura di Palabra di Deus na vos altu, pudi tene efeitu garandi na no vida. (2 Kron 34:19-21) Si kontra i ten audio di Biblia na un parti o kompletu na un lingua ku bu ta ntindi, sera ki sukuta es audio pudi fasi parti di bu programa spiritual di kada dia?

JUBI VIDEO GRAVASON DI AUDIO DI BILBIA — SO UN PARTI, I DIPUS RUSPUNDI ES PURGUNTA:

Ke ku dimirau aserka di gravason di audio di Biblia?