Kusas ku pudi judau lei Biblia kada dia

Sera ki utrora i ta difisil lei Biblia kada dia, pabia di manga di kusas ku bu ten di fasi? (Jos 1:8) Si i sedu asin, tenta sigi es ideias:

• Pui un lembreti. Pui alarmi na bu telefoni pa lembrantau lei Biblia.

• Pui Biblia na un kau ku bu pudi ojal. Si bu ta lei Biblia na papel, pul na un kau ki fasil ojal kada dia. — Lei 11:18.

• Sukuta gravasons. Na alguns linguas, Biblia sta dispunivel na formatu audio. Asin bu pudi sukutal ora ku bu sta na fasi bu tarbajus di kada dia. Tara i un pioneru, tambi i sedu un mame ku ta tarbaja di noiti. I fala sin: “Sukuta gravason di Biblia ora ku N na fasi tarbajus di kasa, ta judan lei Biblia kada dia.”

• Ka bu disisti. Si un kusa kontisi i bu ka konsigi lei Biblia suma ku bu misti, bu pudi lei alguns versikulus antis di bu bai durmi. Mesmu si bu lei so alguns versikulus kada dia, kila na judau. — 1 Ped 2:2.