Kokkinakis v. Greece: Droit réservé
Apartir di riba, di skerda pa direita, i bas, di direita pa skerda: Junta di Edukason di Stadu di Virginia Osidental vs. Barnette; Kokkinakis v. Gresia; Organizason reliẑiosu lokal di Taganrog ku Utrus v. Rusia; Cha ku Utrus v. Korea di Sul
NO VIDA KRISTON
‘Difindi i firmanta Bon Noba’ di akordu ku lei
Oca opositoris tenta para tarbaju di torna kumpu templu, israelitas fasi ke ki pirsis pa tene diritu ku lei da pa fasi tarbaju di konstruson. (Esd 5:11-16) Di mesmu manera, kristons aos ta fasi ke ki pirsis pa difindi i firmanta Bon Noba di akordu ku lei. (Fil 1:7) Pabia des, na 1936 i formadu un Dipartamentu Juridiku na sedi mundial. Aos, Dipartamentu Juridiku na Sedi Mundial ta organiza pa difindi interesi di Renu na mundu ntindu. Kuma kes dipartamentu ta juda na tarbaju di Renu i kuma ki ta benefisia povu di Deus?
JUBI VIDEO VISITA NA DIPARTAMENTU JURIDIKU NA SEDI MUNDIAL, I DIPUS RUSPUNDI ES PURGUNTAS:
Kal purblemas ligadu ku lei ku Tustumuñas di Jeova pasa?
Kal vitorias ligadu ku lei ku no tene? Da un isemplu.
Ke ku kada un son di nos pudi fasi pa juda na ‘difindi i firmanta Bon Noba’ di akordu ku lei?
Na kal parti di no site ku no pudi oja kusas aserka di lei ku ta afeta povu di Deus, i lista di Tustumuñas di Jeova ku prindidu pabia di se fe?