Sera ki bu lembra?

Sera ki bu lei ku kuidadu artigus di Sintinela des anu? Jubi si bu na pudi ruspundi es purguntas:

Kuma ku no na pagadu si no ta pasa tempu pa papia, sukuta i pensa na Jeova?

No na toma minjoris disison, no na sedu bon instrutoris, no fe na torna mas forti i no amor pa Jeova na aumenta. — w22.01, pp. 30-31.

Ke ku na judanu si no aprindi konfia na Jeova i na si representantis?

Gosi i tempu di konfia na manera ku Jeova ta fasi kusas, i pa ka kritika orientason ku disisons di ansions. Ora ku garandi tribulason ciga, no na sta pruntu pa obdisi, mesmu si instrusons ku no risibi parsi sedu strañu o ka tene sintidu. — w22.02, pp. 4-6.

Ke ku anju misti fala oca i fala Zakarias aserka di ‘prumu na mon di Guvernadur Zorobabel’? (Zak 4:8-10)

Es vison garantiba povu di Deus di kuma, templu simplis ku staba na kumpudu na kaba, i na sigi normas di Deus. — w22.03, pp. 16-17.

Kuma ku no pudi sedu ‘isemplu na palabra’? (1 Tim 4:12)

I ora ku no papia ku bondadi i ku rispitu na pregason, kanta di tudu korson, sempri da kumentarius na runions, konta bardadi, nkoraẑa utrus i ivita koba mal. — w22.04, pp. 6-9.

Pabia ku kuatru besta (renus) ku faladu del na Daniel kapitulu 7 parsi ku un besta ku faladu del na Apokalipsi 13:1, 2?

Besta ku faladu del na Apokalipsi 13 ka representa so un renu, suma pur isemplu Roma. En ves di kila, i na representa tudu puderis pulitiku ku manda na mundu. — w22.05, p. 9.

Di kal manera importanti ku no pudi mostra di kuma no konfia na justisa di Deus?

Si algin kobanu, fasinu sinti mal o peka kontra nos, no ta sforsa pa ka raiba i guardal na korson, no ta disa asuntu na mon di Jeova. I na kaba ku tudu mal ku pekadu tisi. — w22.06, pp. 10-11.

Ke ku un ermon ku sta na ora na un runion dibi di lembra del?

Orason ka dibi di usadu pa konsija kongregason o fasi anunsius. Prinsipalmenti na kumsada di un runion, i ka pirsis usa “palabra ciu”. (Mat 6:7) — w22.07, pp. 24-25.

Di kal manera ku “kilis ku fasi mal” na lantandadu pa julgamentu? (Jon 5:29)

E ka na risibi un julgamentu negativu, basiadu na ke ke fasiba na pasadu. Se atitudi ku se komportamentu na jubidu diritu, dipus di se resureison. — w22.09, p. 18.

Kal palabras interesanti ku J. F. Rutherford fala na un kongresu na Setembru di 1922?

Na un kongresu na Cedar Point, Ohio, Stadus Unidu, Rutherford fala sin: “Rei sta na rena! Bo mandadu pa konta tudu jintis aserka des. Pa kila, bo anunsia, bo anunsia, bo anunsia aserka di Rei ku si Renu!” — w22.10, pp. 3-5.

Isaias kapitulu 30 fala di kal tris manera ku Deus ta judanu nguenta?

Es kapitulu mostra di kuma (1) i ta sukutanu i ruspundi no orason, (2) i ta danu orientason, (3) i ta bensuanu gosi, tambi i na bin bensuanu na futuru. — w22.11, p. 9.

Pabia ku no pudi fala di kuma palabras ku sta na Salmu 37:10, 11, 29 kumpri na pasadu, tambi e na bin kumpri na futuru?

Palabras di Davi fala ben di bensons ku tenba na Israel, suma na renansa di Salomon. Jesus fala di futuru paraísu, tambi i usa versikulu 11. (Mat 5:5; Luk 23:43) — w22.12, pp. 8-10, 14