Ke ku Renu di Deus na bin fasi ku gera?

Na mundu ntidu geras kontinua dana kusas, tisi dur ku sufrimentu garandi. Jubi ke ku faladu:

• “Anu pasadu, jintis ku muri na gera, prinsipalmenti na Etiopia ku Ukrania, mas ciu di ki kilis ku muri na kualker anu disna di 1994.” — Peace Research Institute Oslo, 7 di Juñu di 2023.

• “Gera na Ukrania i so isemplu di un di geras mas duru na 2022. Na anu pasadu violensia pulutiku aumenta 27% na mundu ntidu, i afeta 1,7 bilyon di jintis.” — The Armed Conflict Location & Event Data Project (ACLED), 8 di Fevereru di 2023.

Biblia danu speransa. I fala kuma “Deus di seu na lantanda utru renu ku nunka ka na danadu.” (Daniel 2:44) Bas di ki Renu, o guvernu, Deus na “para gera na tudu ladu di mundu”. — Salmu 46:9.