Kal tempu ku gera na kaba? —⁠ Ke ku Biblia fala?

Oca ku Iran ataka Israel na sabadu 13 di Abril 2024, António Guterres, Sekretariu Ẑeral di Nasons Unidu fala asin: “Gosi i tempu di kalma es situason i tornal menus pirigosu. I tempu tambi di no kontrola no kabesa.”

Gera di Mediu Orienti i un isemplu di ke ku sta na kontisi na mundu.

“Konflitus violentu ku ten aos i mas ciu di ki tudu konflitus ku pasa disna di Sugundu Gera Mundial. Tambi 2 bilyon di jintis, ku sedu un kuartu di populason di mundu, sufri pabia di es konflitu.” — Konseliu di Suguransa di Nasons Unidu, 26 di Janeru di 2023.

Konflitus violentu ten na manga di tera suma na Israel, Gaza, Siria, Azerbaijon, Ukrania, Sudon, Etiopia, Nijer, Myanmar, ku Aiti.a

Kal tempu ku gera na kaba? Sera ku lideris di es mundu pudi tisi pas? Ke ku Biblia fala?

Un mundu ku sta na gera

Konflitus ku ten aos na mundu i sinal di kuma, tudu geras ku ten na bin kaba nin i ka na tarda. E geras ta kumpri profesia ku sta na Biblia aserka di tempu ku no sta na vivi. Biblia coma e piriudu, di tempu ku “mundu na kaba.” — Mateus 24:3.

•  “Bo na obi baruju di gera pertu, ku noba di gera lunju. . . . Nason na lanta kontra nason, renu kontra renu.” — Mateus 24:6, 7.

Lei artigu “Qual é o sinal dos “últimos dias”, ou do “fim dos tempos”?” pa oja kuma ku gera ku ten aos ta kumpri profesia di Biblia.

Un gera ku na kaba ku tudu geras

Biblia fala di fin di tudu konflitus di pekaduris. Kuma ku kila na bin sedu? I ka ku sforsu di pekaduris, ma i atraves di “gera na ki garandi dia di Deus di tudu puder” ku sedu Armajedon. (Apokalipsi 16:14, 16) Dipus des gera, Deus na bin kumpri si purmesa di da pekaduris pas pa sempri. — Salmu 37:10, 11, 29.

Pa aprindi mas aserka di gera di Deus ku na kaba ku tudu geras, lei artigu “O que é a batalha do Armagedon?”