Ke ku Renu di Deus na bin fasi ku purblemas ekonomiku

Na mundu ntidu, i difisil dimas pa manga di jintis ngaña diñeru ku ciga pa sustenta se kabesa. Es purblema kontinua na piora kada bias mas.

• Sugundu un relatoriu di mundu ntidu ku ka tarda ki fasidu,a diñeru ku jintis ta ngaña sta na rapati ciu. Es relatoriu avisa di kuma si i ka ten mudansas, i na ten diferensa garandi entri rikus ku koitadis. Tambi vida di manga di familias na sedu difisil di ki antis.

Sera ki guvernus na konsigi kaba kes purblemas ekonomiku, o pelu menus minjoria es situason?

Biblia mostra di kuma i ten un guvernu ku pudi, tambi i na bin kaba ku tudu purblemas ekonomiku, inkluindu diferensa entri rikus ku koitadis. I fala di kuma, “Deus di seu na lantanda utru renu”, ku sedu un guvernu ku na kuida di tudu kusas ku ta pasa na Tera. (Daniel 2:44) Bas des guvernu ku na guverna tudu mundu, ningin ka na diskisidu o bandonadu. (Salmu 9:18) Renu di Deus na fasi pa si sidadons tene ke ke pirsisa del pa sedu filis. Tudu jintis na goza di bon rusultadu di tarbaju di se mon. — Isaias 65:21, 22.