Ke ku Renu di Deus na bin fasi ku duensa?

“COVID-19 ka sedu mas un emerẑensia di saudi na mundu, mas es ka signifika di kuma i ka na ameasa mas saudi di jintis na mundu. No pudi tene sertesa di kuma i na bin ten mas utru duensa ku laga na futuru i no dibi di sta pruntu pa kila.” — Dr. Tedros Adhanom Ghebreyesus, diretor ẑeral di Organizason Mundial di Saudi, 22 di Maiu di 2023.

Suma rusultadu di COVID-19, manga di jintis sta na sufri na sintidu fisiku i mental. Sera ki guvernus ku organizasons ku ta tarbaja na aria di saudi na sta purparadu pa utru duensa ku ta laga, i sera ke pudi judanu lida ku purblemas di saudi ku no tene gosi?

Biblia fala di un guvernu ku na bin risolvi no purblema di saudi. I fala kuma “Deus di seu na lantanda utru renu” o guvernu. (Daniel 2:44) Bas des guvernu, “nin un algin . . . ka na fala kuma i sta duenti”. (Isaias 33:24) Tudu jintis na tene bon saudi ku forsa suma oca elis joven. — Jo 33:25.