STUDU 6

Aplika testu di manera klaru

Jon 10:33-36

RUSUMU: Ka bu lei so un testu dipus bu pasa pa pontu a sigir. Sertifika di kuma kilis ku na sukutau ntindi diritu kuma ku testu liga ku pontu ku bu na splika.

KUMA KU NO PUDI FASIL:

Izola palabras ŝavi. Ora ku bu lei un testu, distaka palabras ku sta diretamenti ligadu ku bu pontu prinsipal. Bu pudi fasi es atraves di ripiti palabras ŝavi o fasi un purgunta ku na pirmiti kilis ku na sukutau identifika elis.

Si bu usa diferentis palabra pa ripiti ideia di testu, sertifika di kuma kilis ku na sukutau na ntindi inda kuma ku palabras di Biblia sta ligadu ku bu pontu prinsipal.
Distaka pontu prinsipal. Si bu konta pabia ku bu na lei un testu, splika kuma ku palabras ŝavi di testu sta ligadu ku ki rason.

Ora ku bu na splika un testu, disa bu Biblia abertu. Kila na juda kilis ku na sukutau konekta bu palabras ku versikulu ku bu kaba di lei.
Fasi un aplikason simplis. Ka bu komenta ditalis ku ka na apoia pontu prinsipal. Basiadu na ke ki kilis ku na sukutau sibi ja aserka di asuntu, disidi ke ku bu pirsisa di fala pa pontu ku bu na aplika sedu klaru i pa i ntindidu.