STUDU 4

Introduzi testus di manera apropriadu

Mateus 22:41-45

RUSUMU: Purpara menti di kilis ku na sukutau antis di bu lei un testu.

Pensa na ke ku na lebau lei un testu. Introduzi kada testu di un manera ku na leba kil ku na sukutau presta atenson na pontu ŝavi ku bu misti distaka na ki versikulu.

Leba en konta kontestu. Konta izatamenti kin ku papia o kin ku skirbi ki livru di Biblia.
Sita Biblia suma otridadi. Ora ku bu na papia ku jintis ku fia na Deus, fasi elis oja Biblia suma Palabra di Deus, asin bu na mostra kuma Biblia i minjor fonti di jiresa.
Fasi pa jintis tene interesi na testu. Fasi un purgunta ku testu na bin ruspundi, papia di un purblema ku testu na bin juda rosolvi, o di un relatu bibliku ku na juda elis ntindi un prinsipiu.

Leba en konta ke ku kilis ku na sukutau sibiba ja aserka di ki asuntu ku ki testu. Introduzi un testu di un manera atraenti, nin si jintis kunsilba ja, i juda elis ntindi diritu un ditali ke ka sibiba.