STUDU 13

Aplikason pratiku di materia

Isaias 48:17

RUSUMU: Juda kilis ku na sukutau pa e ntindi kuma ku materia ta afeta se vida i mostra elis ke ke dibi di fasi ku ke ke aprindi.

Pensa na kilis ku na sukutau. Medita na importansia ku informason tene na kilis ku na sukutau, i analiza kal parti di materia ku na mas juda elis.
Duranti bu disignason, mostra kilis ku na sukutau ke ke dibi di fasi. Desdi kumsada, kada un delis dibi di fala, ‘Es i pa mi’. Ora ku bu ciga na kada pontu prinsipal, mostra elis kuma ke pudi aplikal. Sedu spesifiku.

Papia di aplikason di prinsipius bibliku ku amor i mostra elis kuma bu ntindi ke ke na pasa. En ves di kulpa utrus, fortalisi se amor ku fe, konfianti di kuma se korson na motiva elis fasi ke ki sertu.