STUDU 14

Distaka pontus prinsipal

Ebreus 8:1

RUSUMU: Juda asistensia pa e sigi bu diskursu i distaka kuma ku kada pontu prinsipal sta ligadu ku bu objetivu i ku tema.

Tene un objetivu. Jubi si bu diskursu fasidu pa informa, pa konvensi o pa motiva asistensia, i fasil pa i sai asin. Sertifika di kuma tudu pontus prinsipal na judau yangasa bu objetivu.

Punta bu kabesa: ‘Kal purguntas o ideia kontrariu ku asistensia pudi tene aserka des asuntu? Di kal manera loẑiku ke fasi ki purguntas o tene ki ideia kontrariu?’ Dipus organiza bu pontus di mesmu manera loẑiku pa bu asistensia pudi sigi, ntindi i seta ki informason.
Distaka tema di bu diskursu. Papia di tema duranti tudu bu diskursu atraves di ripiti palabras ŝavi di tema o di usa palabras ku parsi kel.
Fasi pa pontus prinsipal sedu klaru i simplis. Kuji so pontus prinsipal ku sta ligadu ku bu tema, i ku bu na pudi nsina diritu na tempu markadu. Limita pontus prinsipal, konta kada pontu prinsipal di manera klaru, fasi pausa entri elis, i kamba di manera suavi di un pontu prinsipal pa utru.

Bu pudi konta kal ki pontus prinsipal na bu introduson, pa juda asistensia sigi, o ripiti elis na konkluson pa juda asistensia lembra delis.